Mánuði seinna.....

Jæja, nú hunskaðist hún mamma loksins til að setjast niður fyrir framan tölvuna og skrifa nokkur orð. Það er kominn allt of langur tími síðan hún henti inn einhverjum myndum, en svo er nú mál með vexti að hún er liggur við alveg hætt að taka myndir af mér. Er alltaf bara að taka einhver myndskeið af mér. Ég er nebblilega farinn að hreyfa mig svo mikið... ligga ligga lái :oP

Ég er t.d. farinn að snúa mér á magann þegar ég er að leika mér á gólfmottunni minni, svo er ég farinn að teygja mig í þau leikföng sem mig langar í (og reyni að smakka aðeins á þeim). Eins og er, er gíraffinn sem hún Ísabella valdi handa mér í uppáhaldi.

Svo er ég líka farinn að hjala alveg á fullu og skríki af ánægju þegar mamma eða pabbi geyfla sig framan í mig :o)

Ég fór svo í 3. mánaða skoðun í seinustu viku (já, ótrúlegt en satt þá er ég orðinn 3. mánaða !!! Time flies !!) og var útkoman alveg með ágætum. Ég held mig vel á minni kúrfu í hæð (60,5 cm), þyngd (5.505 gr.) og höfuðstærð (40,5 cm). Svo sagði hjúkkan mér að ég væri bara alveg ótrúlega sperrtur og myndarlegur og að börn byrjuðu yfirleitt ekki að snúa sér á magann fyrr en 4-5 mánaða. Svo ég er bara nokkuð ánægður :o)

Hérna eru svo nokkrar myndir að lokum:

Maður heldur að maður sé orðinn nógu stór til að standa upp úr stólnum !

Hér er ég að leika mér á teppinu sem ég fékk frá Afa Bigga og Sibbu.

Ein buslumynd með pabba :o)

Kominn í nýja ömmustólinn sem ég fékk frá Önnu frænku & co. :o)