Smá update

Jæja, jæja..... Nú er svoooooooooo mikið búið að ske hjá okkur síðan síðasta færsla var færð inn, að maður veit bara varla á hverju maður á að byrja......
Stóra fréttin fyrir alla fjölskylduna er alla veganna að við erum að fara að lyfta upp búi og flytja austur á land !! Já, við erum nefnilega búin að ákveða að gerast sveitadurgar (no offence to the people of Egilsstaðir... :op ).
Pabbi fékk nefnilega LOKSINS atvinnutilboð, frá íslensku fyrirtæki, sem er að einhverju leyti skylt því sem hann lærði úti á Spáni. Og þar sem mamma var ekki búin að lofa sér í vinnu ennþá og ekki byrjuð í skólanum, ákváðu þau að hún myndi bara skrá sig í fjarnám og leita að einhverju sneddí þarna fyrir austan :o)

Annars er það að frétta af mér að ég er orðinn alveg obboslega Stór og duglegur :o) Ég er alveg að fara að labba sjálfur, því ég stóð upp í fyrsta skipti þegar við vorum í heimsókn hjá fjölskyldunni hans pabba í Júní. Og er ég búinn að vera að æfa mig stíft síðan þá. Fyrst gat ég bara staðið í nokkrar sekúndur í einu, með dauðahald á rúmbríkinni. En núna get ég gengið með mömmu eða pabba ef ég fæ lánaða putta....bara sona upp á jafnvægið sem er ekki alveg komið 100% :o)
Svo er ég líka kominn með 7 tennur ! Þannig að það fer að styttast í það að ég þurfi að fara að borða þennan óskapnað sem mamma kallar "heimilismat"....hehe....
Annars er bara það að frétta að ég vex og dafna alveg rosa vel, ég á að fara í tékk á miðvikudag og get þá sagt ykkur hversu stór og þungur ég er orðinn ;o)

Jæja, kveðjum í bili....
Mamma, pabbi & stóri strákurinn :o)